Anareuz (( poémes s tmazighte))

[anareuz]

azul fellawn soyez la bienvenue... ici vous pouvez écrire votres poémes et chacun entre nous si il a aimé la poéme // ou le contraire )il va dire ses remarques sur la poéme .....etc offet chacun entre nous il va aidé l'autre et l'encourager .....merci et a vous la paroles .tanmirte noun

[amsawad]

azul uma anaruz , tannmirt c'est une bonne idée

Mara xsegh cem

Wi cem gha ifarnen zayi

Wi day gha ifarnen zayem

Mara msagaren imuzar

Di tme3mutc n tayri…

Dar3egham d asitem



Iswazzad gha uraji

Adaremcegh ij n warmac

A cem twarigh d tanewact

tired tahezzizt d hac

N wazri



Ifsar tighit nnes dayi

Wedaren cem izuray

Deg ur s usari

Wir shessa

I wrtax n tansa

N ixf inu deg seghdi

Ra d nec wedaregh



Amrufi inu dayem

Mani idja usenti



mara rmas di crigh n tcuni

Tiridegh gha tcarrarut n tziri

X ughezdis inu jigham isni

Yarcgen…

ru3ra n ighiren



Trajigh tfuct nnem atesisraw

nda asemmad n usedhi

Adam inigh cem d tanfust n ijdi

Tizid dayes yyart n tecri

Textutur days tirelli

N izekkunen

anufser n ijettuyen



Min x sen izenzaren

Xarsent akidi…



Nqared x tbambast inu

Dayi…

Xmi gha tgheryed x dmani n u3ecci

Jayi tazyudi n ij tebrat

awarni idurar n wur nnem

Tarcem di tqiccat

N tmennawt teghdes

Ad darnegh tisfay nnes

Rebhot nnes…

Ad gharegh taycit n uhewes

Izi day idarq weyrar nnem

uca Inedrayi dayes…

s.f

[amsawad]

titwin nnem

titawin nnem am titawin inu

tihninin nnem zda3quent ur inu

tannidayi dasrud ur inu akidem

iruthen d idammen ayucayi wendem

titawin nnem terja di tini inu

azri n reb3uth nnem ighzay deg ur inu

dasbuherye-dayi tajjidayi waddagh

cem duyad-ayi waday dejjid rathar

titawin negh rebhar imattawen

nesghaq dayes urawen uca nejjithen

arayid ur nem ucigham r3ahed

amsah xam imattawen zi titawin nem

h.ayawen

[amsawad]

ghari ijen yemma


ghari ijen yemma ayaw mac-har idacna

am ithri yareqqan am uyur ujenna

mac-har kidi taxsi maskina d tamara

hasbaxt dazyan inu di ddat inu marra

atraghigh ayemma , raghigh s ur inu

darad xafi yemma memmi a-tsa inu

tnekkar meskina , tnekkar gha refjar

tesnanna ticnifin ayaw deggam sekkar

dasnenna-nerd a-netc huma-netc a-nesqar

huma wa-netru a-nedhak a-nirar

ghari ijen yemma ayaw mac-har decna

[amsawad]

alhucima d nador

urix ijen tabrat urixt y alhucima

tseqsixt dayes ma mlih ci idejja

alhucima tassekurt trajigh a-cem zagh

samhayi a weshma ussana wa-zemmagh

urigh ijen tabrat x w-afriwen n w-atbir

atbir d-acemrar y-sqadegh zi nador

alhucima d nador tawmat tamghar

r3az negh immun y-ugren s nuqath

alhucima d nador tawmat tamghar

s-trifite a yemma s-tmazight a weshma

idwa w-atbir nni idwa deg jenna

idwa gha buyafar y-e3caq dhi rebhar

aman d-izagzawen ijdi dawaghegh

yuhhar w-atbir nni yarsa x ijen d-har

x d-har ubaran ifekkad ijen nhar

idhac w-atbir nni idhac gha idurar

idurar u3arwi idurar n budinar

alhucima d nador tawmat tamghar

[amsawad]

8 snin uraji

8 snin uraji ra-dervar w-atyuji

manaya d-ermuhar manaya w-ayeji

ad-fesyen idurar war ifessi w-ur nnem

adin wi cem icarcen wajji d-array nnem

8 snin uraji w-ayhin ur nnem

mara tucidayi rmuth s-ufus nnem

ad-swagh ad-anigh waxxa ghari d-ssem

maghar tegguid ammu war sεizza ixfnnem

a-nec texsegh cem taxsegh rebεut nnem

abrid isennanen y tawyen gha w-ur nnem

senthed i-mahsaden s-ghin tudart nnem

a-cem ttugh wa-zemmagh a-thxathend uw-aragh

qa-cem ghari di rvar dayem y t-fekkaregh

8 snin uraji war ihin ur nnem

8 uraji wad-hin ddat nnem

h.ayawen